Difference between revisions of "Adiparva Adhyaya 27 (आदिपर्वणि अध्यायः २७)"
Jump to navigation
Jump to search
| Line 43: | Line 43: | ||
[[:Category:रामणीयक द्विप|''रामणीयक द्विप'']] [[:Category:द्विप|''द्विप'']] | [[:Category:रामणीयक द्विप|''रामणीयक द्विप'']] [[:Category:द्विप|''द्विप'']] | ||
[[:Category:रामणीयक द्विपका वर्णन|''रामणीयक द्विपका वर्णन'']] | [[:Category:रामणीयक द्विपका वर्णन|''रामणीयक द्विपका वर्णन'']] | ||
| + | [[:Category:Garuda|''Garuda'']] [[:Category:solution|''solution'']] [[:Category:Dasya|''Dasya'']] | ||
| + | [[:Category:slavery|''slavery'']] | ||
| + | [[:Category:गरुड|''गरुड'']] [[:Category:सर्प|''सर्प'']] [[:Category:गरुडने सर्पोसे उपाय पूछा|''गरुडने सर्पोसे उपाय पूछा'']] | ||
| + | [[:Category:उपाय पूछा|''उपाय पूछा'']] [[:Category:दास्यभाव|''दास्यभाव'']] | ||
Latest revision as of 16:16, 14 October 2019
सौतिरुवाच सम्प्रहृष्टास्ततो नागा जलधाराप्लुतास्तदा। सुपर्णेनोह्यमानास्ते जग्मुस्तं द्वीपमाशु वै॥ 1-27-1 तं द्वीपं मकरावासं विहितं विश्वकर्मणा। तत्र ते लवणं घोरं ददृशुः पूर्वमागताः॥ 1-27-2 सुपर्णसहिताः सर्पाः काननं च मनोरमम्। सागराम्बुपरिक्षिप्तं पक्षिसङ्घनिनादितम्॥ 1-27-3 विचित्रफलपुष्पाभिर्वनराजिभिरावृतम्। भवनैरावृतं रम्यैस्तथा पद्माकरैरपि॥ 1-27-4 प्रसन्नसलिलैश्चापि ह्रदैर्दिव्यैर्विभूषितम्। दिव्यगन्धवहैः पुण्यैर्मारुतैरुपवीजितम्॥ 1-27-5 उत्पतद्भिरिवाकाशं वृक्षैर्मलयजैरपि। शोभितं पुष्पवर्षाणि मुञ्चद्भिर्मारुतोद्धतैः॥ 1-27-6 वायुविक्षिप्तकुसुमैस्तथान्यैरपि पादपैः। किरद्भिरिव तत्रस्थान्नागान्पुष्पाम्बुवृष्टिभिः॥ 1-27-7 मनःसंहर्षजं दिव्यं गन्धर्वाप्सरसां प्रियम्। मत्तभ्रमरसंघुष्टं मनोज्ञाकृतिदर्शनम्॥ 1-27-8 रमणीयं शिवं पुण्यं सर्वैर्जनमनोहरैः। नानापक्षिरुतं रम्यं कद्रूपुत्रप्रहर्षणम्॥ 1-27-9 तत्ते वनं समासाद्य विजह्रुः पन्नगास्तदा। अब्रुवंश्च महावीर्यं सुपर्णं पतगेश्वरम्॥ 1-27-10 वहास्मानपरं द्वीपं सुरम्यं विमलोदकम्। त्वं हि देशान्बहून्रम्यान्व्रजन्पश्यसि खेचर॥ 1-27-11 स विचिन्त्याब्रवीत्पक्षी मातरं विनतां तदा। किं कारणं मया मातः कर्तव्यं सर्पभाषितम्॥ 1-27-12 विनतोवाच दासीभूतास्मि दुर्योगात्सपत्न्याः पतगोत्तम। पणं वितथमास्थाय सर्पैरुपधिना कृतम्॥ 1-27-13 तस्मिंस्तु कथिते मात्रा कारणे गगनेचरः। उवाच वचनं सर्पांस्तेन दुःखेन दुःखितः॥ 1-27-14 किमाहृत्य विदित्वा वा किं कृत्वेह पौरुषम्। दास्याद्वो विप्रमुच्येयं तथ्यं वदत लेलिहाः॥ 1-27-15 सौतिरुवाच श्रुत्वा तमब्रुवन्सर्पा आहरामृतमोजसा। ततो दास्याद्विप्रमोक्षो भवति तव खेचर॥ 1-27-16 इति श्रीमहाभारते आदिपर्वणि आस्तीकपर्वणि सौपर्णे सप्तविंशोऽध्यायः॥ 27 ॥ Island Ramantak Island Ramantak island description वर्णन रामणीयक द्विप द्विप रामणीयक द्विपका वर्णन Garuda solution Dasya slavery गरुड सर्प गरुडने सर्पोसे उपाय पूछा उपाय पूछा दास्यभाव