https://dharmawiki.org/index.php?action=history&feed=atom&title=Adiparva_Adhyaya_52_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%E0%A5%A8%29 2026-04-28T10:50:45Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_52_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%E0%A5%A8)&diff=120721&oldid=prev 2019-10-16T11:55:10Z

<p>new pg</p> <p><b>New page</b></p><div>सौतिरुवाच<br /> <br /> ततः कर्म प्रववृते सर्पसत्रविधानतः।<br /> <br /> पर्यक्रामंश्च विधिवत्स्वे स्वे कर्मणि याजकाः॥ 1-52-1<br /> <br /> प्रावृत्य कृष्णवासांसि धूम्र[म]संरक्तलोचनाः।<br /> <br /> जुहुवुर्मन्त्रवच्चैव समिद्धं जातवेदसम्॥ 1-52-2<br /> <br /> कम्पयन्तश्च सर्वेषामुरगाणां मनांसि च।<br /> <br /> सर्पानाजुहुवुस्तत्र सर्वानग्निमुखे तदा॥ 1-52-3<br /> <br /> ततः सर्पाः समापेतुः प्रदीप्ते हव्यवाहने।<br /> <br /> विचेष्टमानाः कृपणमाह्वयन्तः परस्परम्॥ 1-52-4<br /> <br /> विस्फुरन्तः श्वसन्तश्च वेष्टयन्तः परस्परम्।<br /> <br /> पुच्छैः शिरोभिश्च भृशं चित्रभानुं प्रपेदिरे॥ 1-52-5<br /> <br /> श्वेताः कृष्णाश्च नीलाश्च स्थविराः शिशवस्तथा।<br /> <br /> नदन्तो विविधान्नादान्पेतुर्दीप्ते विभावसौ॥ 1-52-6<br /> <br /> क्रोशयोजनमात्रा हि गोकर्णस्य प्रमाणतः।<br /> <br /> पतन्त्यजस्रं वेगेन वह्नावग्निमतां वर॥ 1-52-7<br /> <br /> एवं शतसहस्राणि प्रयुतान्यर्बुदानि च।<br /> <br /> अवशानि विनष्टानि पन्नगानां तु तत्र वै॥ 1-52-8<br /> <br /> तुरगा इव तत्रान्ये हस्तिहस्ता इवापरे।<br /> <br /> मत्ता इव च मातङ्गा महाकाया महाबलाः॥ 1-52-9<br /> <br /> उच्चावचाश्च बहवो नानावर्णा विषोल्बणाः।<br /> <br /> घोराश्च परिघप्रख्या दन्दशूका महाबलाः।<br /> <br /> प्रपेतुरग्नावुरगा मातृवाग्दण्डपीडिताः॥ 1-52-10<br /> <br /> इति श्रीमहाभारते आदिपर्वणि आस्तीकपर्वणि सर्पसत्रोपक्रमे द्विपञ्चाशत्तमोऽध्यायः॥ 52 ॥</div>

P16459