https://dharmawiki.org/index.php?action=history&feed=atom&title=Adiparva_Adhyaya_13_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9%29 2026-04-28T09:00:55Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_13_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9)&diff=120393&oldid=prev 2019-09-01T01:29:31Z

<p></p> <a href="https://dharmawiki.org/index.php?title=Adiparva_Adhyaya_13_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9)&amp;diff=120393&amp;oldid=120217">Show changes</a>

Tsvora https://dharmawiki.org/index.php?title=Adiparva_Adhyaya_13_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9)&diff=120217&oldid=prev 2019-08-11T14:41:44Z

<p>Created page with &quot;शौनक उवाच किमर्थं राजशार्दूलः स राजा जनमेजयः। सर्पसत्रेण सर्पाण...&quot;</p> <p><b>New page</b></p><div>शौनक उवाच<br /> <br /> किमर्थं राजशार्दूलः स राजा जनमेजयः।<br /> <br /> सर्पसत्रेण सर्पाणां गतोऽन्तं तद्वदस्व मे॥ 1-13-1<br /> <br /> निखिलेन यथातत्त्वं सौते सर्वमशेषतः।<br /> <br /> आस्तीकश्च द्विजश्रेष्ठः किमर्थं जपतां वरः॥ 1-13-2<br /> <br /> मोक्षयामास भुजगान्प्रदीप्ताद्वसुरेतसः।<br /> <br /> कस्य पुत्रः स राजासीत्सर्पसत्रं य आहरत्।<br /> <br /> स च द्विजातिप्रवरः कस्य पुत्रोऽभिधत्स्व मे॥ 1-13-3<br /> <br /> सौतिरुवाच<br /> <br /> महदाख्यानमास्तीकं यथैतत्प्रोच्यते द्विज।<br /> <br /> सर्वमेतदशेषेण शृणु मे वदतां वर॥ 1-13-4<br /> <br /> शौनक उवाच<br /> <br /> श्रोतुमिच्छाम्यशेषेण कथामेतां मनोरमाम्।<br /> <br /> आस्तीकस्य पुराणर्षेर्ब्राह्मणस्य यशस्विनः॥ 1-13-5<br /> <br /> सौतिरुवाच<br /> <br /> महदाख्यानमास्तीकं यत्रैतत्प्रोच्यते बुधैः।<br /> <br /> सर्वमेतदशेषेण शृणु मे वेदतां वर।<br /> <br /> इतिहासमिमं विप्राः पुराणं परिचक्षते।<br /> <br /> कृष्णद्वैपायनप्रोक्तं नैमिषारण्यवासिषु॥ 1-13-6<br /> <br /> पूर्वं प्रचोदितः सूतः पिता मे रो[लो]महर्षणः।<br /> <br /> शिष्यो व्यासस्य मेधावी ब्राह्मणेष्विदमुक्तवान्॥ 1-13-7<br /> <br /> तस्मादहमुपश्रुत्य प्रवक्ष्यामि यथातथम्।<br /> <br /> इदमास्तीकमाख्यानं तुभ्यं शौनक पृच्छते॥ 1-13-8<br /> <br /> कथयिष्याम्यशेषेण सर्वपापप्रणाशनम्।<br /> <br /> आस्तीकस्य पिता ह्यासीत्प्रजापतिसमः प्रभुः॥ 1-13-9<br /> <br /> ब्रह्मचारी यताहारस्तपस्युग्रे रतः सदा।<br /> <br /> जरत्कारुः इति ख्यात ऊर्ध्वरेता महातपाः॥ 1-13-10<br /> <br /> यायावराणां प्रवरो धर्मज्ञः संशितव्रतः।<br /> <br /> स कदाचिन्महाभागस्तपोबलसमन्वितः॥ 1-13-11<br /> <br /> चचार पृथिवीं सर्वां यत्रसायंगृहो मुनिः।<br /> <br /> तीर्थेषु च समाप्लावं कुर्वन्नटति सर्वशः॥ 1-13-12<br /> <br /> चरन्दीक्षां महातेजा दुश्चरामकृतात्मभिः।<br /> <br /> वायुभक्षो निराहारः शुष्यन्ननिमिषो मुनिः॥ 1-13-13<br /> <br /> इतस्ततः परिचरन्दीप्तपावकसप्रभः।<br /> <br /> अटमानः कदातित्स्वान्स ददर्श पितामहान्॥ 1-13-14<br /> <br /> लम्बमानान्महागर्ते पादैरूर्ध्वैरवाङ्मुखान्।<br /> <br /> तानब्रवीत्स दृष्ट्वैव जरत्कारुः पितामहान्॥ 1-13-15<br /> <br /> के भवन्तोऽवलम्बन्ते गर्ते ह्यस्मिन्नधोमुखाः।<br /> <br /> वीरणस्तम्बके लग्नाः सर्वतः परिभक्षिते।<br /> <br /> मूषकेन निगूढेन गर्तेऽस्मिन्नित्यवासिना॥ 1-13-16<br /> <br /> पितर ऊचुः<br /> <br /> यायावरा नाम वयमृषयः संशितव्रताः।<br /> <br /> संतानप्रक्षयाद्ब्रह्मन्नधो गच्छाम मेदिनीम्॥ 1-13-17<br /> <br /> अस्माकं संततिस्त्वेको जरत्कारुरिति स्मृतः।<br /> <br /> मन्दभाग्योऽल्पभाग्यानां तप एव समास्थितः॥ 1-13-18<br /> <br /> न स पुत्राञ्जनयितुं दारान्मूढश्चिकीर्षति।<br /> <br /> तेन लम्बामहे गर्ते संतानस्य क्षयादिह॥ 1-13-19<br /> <br /> अनाथास्तेन नाथेन यथा दुष्कृतिनस्तथा।<br /> <br /> कस्त्वं बन्धुरिवास्माकमनुशोचसि सत्तम॥ 1-13-20<br /> <br /> ज्ञातुमिच्छामहे ब्रह्मन्को भवानिह नः स्थितः।<br /> <br /> किमर्थं चैव नः शोष्याननुशोचसि सत्तम॥ 1-13-21<br /> <br /> जरत्कारुरुवाच<br /> <br /> मम पूर्वे भवन्तो वै पितरः सपितामहाः।<br /> <br /> ब्रूत किं करवाण्यद्य जरत्कारुरहं स्वयम्॥ 1-13-22<br /> <br /> पितर ऊचुः<br /> <br /> यतस्व यत्नवांस्तात संतानाय कुलस्य नः।<br /> <br /> आत्मनोऽर्थेऽस्मदर्थे च धर्म इत्येव वा विभो॥ 1-13-23<br /> <br /> न हि धर्मफलैस्तात न तपोभिः सुसंचितैः।<br /> <br /> तां गतिं प्राप्नुवन्तीह पुत्रिणो यां व्रजन्ति वै॥ 1-13-24<br /> <br /> तद्दारग्रहणे यत्नं संतत्यां च मनः कुरु।<br /> <br /> पुत्रकास्मन्नियोगात्त्वमेतन्नः परमं हितम्॥ 1-13-25<br /> <br /> जरत्कारुरुवाच<br /> <br /> न दारान्वै करिष्येऽहं न धनं जीवितार्थतः।<br /> <br /> भवतां तु हितार्थाय करिष्ये दारसंग्रहम्॥ 1-13-26<br /> <br /> समयेन च कर्ताहमनेन विधिपूर्वकम्।<br /> <br /> तथा यद्युपलप्स्यामि करिष्ये नान्यथा ह्यहम्॥ 1-13-27<br /> <br /> सनाम्नी या भवित्री मे दित्सिता चैव बन्धुभिः।<br /> <br /> भैक्ष्यवत्तामहं कन्यामुपयंस्ये विधानतः॥ 1-13-28<br /> <br /> दरिद्राय हि मे भार्यां को दास्यति विशेषतः।<br /> <br /> प्रतिग्रहीष्ये भिक्षां तु यदि कश्चित्प्रदास्यति॥ 1-13-29<br /> <br /> एवं दारक्रियाहेतोः प्रयतिष्ये पितामहाः।<br /> <br /> अनेन विधिना शश्वन्न करिष्येऽहमन्यथा॥ 1-13-30<br /> <br /> तत्र चोत्पत्स्यते जन्तुर्भवतां तारणाय वै।<br /> <br /> शाश्वतं स्थानमासाद्य मोदन्तां पितरो मम॥ 1-13-31<br /> <br /> इति श्रीमहाभारते आदिपर्वणि आस्तीकपर्वणि जरत्कारुतत्पितृसंवादे त्रयोदशोऽध्यायः॥ 13 ॥</div>

Pṛthvī